ფრილანსერების სამყაროში პირველი ნაბიჯები ყოველთვის მარტივი არ არის. დამწყები ფრილანსერები ხშირად ერთსა და იმავე შეცდომებს უშვებენ, რაც შეიძლება დროის, კლიენტების და ფულის დაკარგვად დაუჯდეთ. ამ სტატიაში გეტყვი 5 ყველაზე გავრცელებულ შეცდომას, რომელსაც ახალბედები უშვებენ და გზებს, თუ როგორ აიცილო ისინი თავიდან.
1. გეგმის არქონა
შეცდომა: ბევრ დამწყებ ფრილანსერს სურს “შეიჭრას საქმეში” დაუფიქრებლად – ყოველგვარი გეგმისა და სტრუქტურის გარეშე.
როგორ ავიცილოთ:
შეადგინე მინიმუმ მარტივი გეგმა:
-
რა ტიპის პროექტებზე იმუშავებ?
-
სად მოძებნი კლიენტებს?
-
როგორ წარადგენ საკუთარ თავს?
-
რამდენად ხარ მზად კონკრეტული სერვისების შესასრულებლად?
ამ ნაბიჯების გავლა თავიდანვე დაგეხმარება სწორ გზაზე დგომაში.
2. მხოლოდ ფულზე ფოკუსირება
შეცდომა: პირველი შემოსავლის იმედით ბევრი ახალბედა მზადაა ყველაფერზე დათანხმდეს – ხშირად უსამართლო პირობებითაც.
როგორ ავიცილოთ:
დაიმახსოვრე – ხარისხიანი გამოცდილება ბევრად ღირებულია, ვიდრე რამდენიმე სუსტი პროექტი. არასოდეს დაეთანხმო კლიენტს მხოლოდ იმიტომ, რომ გთავაზობს ფულს. გაანალიზე პროექტის ღირებულება, პირობები და შენი რესურსები.
3. უნაყოფო კომუნიკაცია კლიენტთან
შეცდომა: ბევრ დამწყებს უჭირს სწორად და დეტალურად კომუნიკაცია კლიენტთან – რაც იწვევს გაუგებრობას და კონფლიქტებს.
როგორ ავიცილოთ:
-
ჯერ კარგად გაარკვიე პროექტის მიზანი და მოლოდინები.
-
სთხოვე კლიენტს კონკრეტული მასალები, მითითებები, ან მაგალითები.
-
დაარეგულირე კომუნიკაციის არხი (Google meet, email, Trello, Zoom…) და შეთანხმდი დროზე.
4. საკუთარი თავის დაუფასებლობა
შეცდომა: “მე ხომ დამწყები ვარ…” – ეს ფრაზა ხშირად ახდენს გავლენას ფრილანსერის თვითშეფასებაზე და აიძულებს, თავის დრო და უნარები დააფასოს მინიმალურად.
როგორ ავიცილოთ:
შენი დრო და უნარები ფასეულია – თუნდაც დამწყები იყო. გამოიყენე პორტფოლიო, წინა პროექტების გამოცდილება, როგორც არგუმენტი და ნუ დაინახავ საკუთარ თავს როგორც “დამწყებს”, არამედ როგორც განვითარებად პროფესიონალს.
5. სწავლაზე უარის თქმა
შეცდომა: ზოგი ფრილანსერი ფიქრობს, რომ პროექტების შესრულება საკმარისია პროფესიული განვითარებისთვის. სინამდვილეში, სწავლა არის უწყვეტი პროცესი.
როგორ ავიცილოთ:
-
განაახლე შენი ცოდნა ყოველდღე: Youtube ტუტორიალები, Udemy კურსები, წიგნები ან ბლოგები.
-
დაესწარი ვებინარებს, შეხვდი სხვა ფრილანსერებს და იმუშავე საკუთარ თავზე.
ფრილანსერული გზა სავსეა შესაძლებლობებით, მაგრამ თავიდანვე სწორად დაგეგმვა და შეცდომების თავიდან არიდება ძალიან მნიშვნელოვანია. თუ ამ 5 ძირითად საკითხს გაითვალისწინებ, შენს გზაზე ბევრად მშვიდად, წარმატებით და თავდაჯერებულად ივლი.
